Türkiyə Super Liqasında mübarizə aparan “Fənərbağça”nın qapıçısı Volkan Demirel 1.5 aylıq sıradan çıxıb.
Korner.az-ın məlumatına görə, 35 yaşlı qapıçı dünən “Krasnodar”a qarşı keçirilən matçın 71-ci dəqiqəsində sağ ayağından zədələnmişdi.
Xatırladaq ki, dünən Avropa Liqasının 1/16 final mərhələsində baş tutan “Fənərbağça” – “Krasnodar” matçı 1-1 lik heç-heçə ilə başa çatıb. Bu komandalar arasında baş tutan ilk oyun isə “Krasnodar”ın 1-0 hesablı üstünlüyü ilə başa çatmışdı. Beləliklə, iki oyunun nəticəsinə əsasən, “Krasnodar” növbəti mərhələyə keçib.
