“Fənərbağça”nın yeni transfer hədəfi
27.01.2025 , 11:30
“Fənərbağça” üçün sürpriz transfer iddiası gündəmə gəlib.
Korner.az xəbər verir ki, İstanbul təmsilçisi “Renn”də çıxış edən 20 yaşlı müdafiəçi Mikayıl Faye ilə maraqlanır.
Bu barədə “Foot Mercato” məlumat yayıb.
Xəbərdə, Super Liqa klubunun gənc müdafiəçi üçün planının daimi transfer olduğu irəli sürülüb.
Yay transfer pəncərəsində “Barselona”dan “Renn”ə keçən Fayenin 10 matçda meydana çıxdıqdan sonra Fransa komandasından ayrılmaq istədiyi bildirilir.
Belə ki, “Renn”in baş məşqçisi Xorxe Sampaoli Fayenin gedişinə qarşı deyil, lakin gənc müdafiəçinin mümkün gedişindən əvvəl yeni müdafiəçi istəyib.
“Renn”lə 2028-ci ilə qədər müqaviləsi olan Fayenin hazırda bazar dəyəri 10 milyon avrodur.
