Türkiyə Super Liqasında mübarizə aparan “Fənərbağça” sol cinah müdafiəsini fərqli bir futbolçu ilə gücləndirmək istəyir.
Korner.az-ın məlumatına görə, bu haqda “Milliyet” xəbər yayıb.
“Sarı-lacivərtlilər” bu dəfə Eduard Sobol ilə maraqlanır. Transfer hüququ “Şaxtyor”da (Donetsk) olan oyunçu hal-hazırda icarə əsasında “Zorya”da çıxış edir. İstanbul təmsilçisinin müdafiəçi üçün “Şaxtyor”la danışaqlar aparacağı bildirilir. “Mədənçilər” 22 yaşlı futbolçunun ən az bir mövsüm də başqa bir klubda icarə əsasında forma geyinməsini istəyir.
Xatırladaq ki, Sobol “Zorya” forması ilə 2016-2017 mövsümündə 25 oyunda iştirak edib.
