“Fənərbağça”nın müdafiəçisi “Roma”ya keçir?
07.01.2026 , 15:30
“Fənərbağça”nın müdafiəçisi Ceyden Ostervolde karyerasını İtaliyada davam etdirə bilər.
Korner.az xarici KİV-ə istinadən xəbər verir ki, “Roma” 24 yaşlı niderlandlı mərkəz müdafiəçisini transfer etmək istəyir.
Xəbərdə bildirilir ki, Türkiyə klubu satışa qarşı deyil. Ostervoldenin qiyməti təxminən 25 milyon avro göstərilir.
2023-cü ilin yanvarında “Parma”dan İstanbul klubuna keçən futbolçu bu mövsüm 25 oyunda 1 məhsuldar ötürmə ilə yadda qalıb.
