“Fənərbağça”nın futbolçusu sıradan çıxdı
12.01.2026 , 10:15
Türkiyə Superkubokunun finalında keçirilən “Qalatasaray” – “Fənərbağça” qarşılaşması (0:2) zamanı zədələnən Levent Mercanın səhhəti ilə bağlı yeni məlumat yayılıb.
Korner.az klubun mətbuat xidmətinə istinadən bildirir ki, aparılan tibbi müayinələr nəticəsində futbolçunun sağ ayağının arxa əzələsində yırtıq müəyyən edilib.
Bu səbəbdən Levent Mercanın təxminən 6 həftə müddətinə meydanlardan kənarda qalacağı gözlənilir.
Xatırladaq ki, 25 yaşlı futbolçu cari mövsümdə “Fənərbağça” forması ilə 15 oyunda iştirak edib və 5 məhsuldar ötürmə ilə yadda qalıb.
