“Fənərbağça”dan “Beşiktaş”a
28.01.2025 , 15:31
Transfer çalışmalarını davam etdirən “Beşiktaş” heyətini yeni futbolçu ilə gücləndirməyə yaxındır.
Korner.az xəbər verir ki, Super Liqa təmsilçisi “Fənərbağça”dan Cengiz Ünderi icarə əsasında heyətinə cəlb etmək istəyir.
“Beşiktaş” artıq 27 yaşlı oyunçu ilə razılığa gəlib.
Klublar arasında da razılıq əldə olunarsa, “ağ-qaralar” Cengiz Ünderə 1,5 il müddətinə ümumilikdə 4 milyon avro ödəyəcək.
Bu mövsüm “Fənərbağça”nın heyətində 7 matçda forma geyinən forvard 161 dəqiqə meydanda qalıb.
Hazırda bazar dəyəri 7,5 milyon avro olaraq göstərilən futbolçunun “Fənərbağça” ilə 2027-ci ilə qədər müqaviləsi var.
