İstanbulun “Fənərbağça” klubu heyətini yeni futbolçu ilə gücləndirib.
Sarı-lacivərtlilər” “Tottenhem”in hücumçusu Vinsent Yansseni heyətinə qatıb. Klubun rəsmi saytının yaydığı məlumata görə, Hollandiya millisinin üzvü və onun klubu ilə prinsip anlaşması əldə edilib.
23 yaşlı forvard müqavilə imzalamaq üçün bu gün İstanbula gələcək. Gənc qolçu ilə 1 illik icarə müqaviləsi imzalanacaq.
Yanssen “Tottenhem”ə ötən mövsümün əvvəlində “AZ Alkmar”dan transfer olub. O, londonluların heyətində meydana çıxdığı 27 qarşılaşmada 2 qol və 2 məhsuldar ötürmə ilə yadda qalıb. Hollandiya millisinin heyətində 15 oyuna çıxan hücumçu 7 qol vurmağı bacarıb.
