“Fənərbağça” – “Qalatasaray” matçına stadiondan baxmaq istəyən var?

Mayın 12-də Türkiyə Superliqası çərçivəsində keçiriləcək "Fənərbağça" – "Qalatasaray" matçının biletləri sabahdan etibarən satışa çıxarılacaq.

Korner.az-ın məlumatına görə, artıq biletlərin qiymətləri də bəllidi.

Dünyanın ən baxımlı derbiləri sırasında olan bu qarşılaşmanı tribunadan izləmək sevdasının bədəli 66-315 lirə (təxminən 30-150 manat) arasında dəyişir.

Qeyd edək ki, "Qalatasaray" ötən tur öz meydanında Sivasspor"u məğlub etməklə çempionluğu təmin edib.