Portuqaliyanın əfsanəvi futbolçusu Eysebio Kriştianu Ronaldonu onunla müqayisə edənlərə "iynəli" mesaj göndərib.
Korner.az-ın məlumatına görə, bildirib ki, Ronaldonun yığmadakı qol sayına görə onu keçməsi ədalətli göstərici sayıla bilməz.
"Belə müqayisələr yanlışdı. Mənim qol məhsuldarlığımı Ronaldonunkuyla müqayisə etmək olmaz. Mən 60 oyuna 41 qol vurmuşdum. Ronaldo isə daha çox oyun keçirib. Üstəlik, indi milli komandamız daha sıradan rəqiblərlə oynayır. Misalçün, mən heç vaxt Lixtenşteyn və Azərbaycan kimi milli komandalara qarşı oynamamışam", – deyə o etiraz edib.
Xatırladaq ki, ötən həftə Ronaldo yığmadakı qollarının sayını 43 topa çatdırmışdı.
