“Mançester Yunayted”in təcrübəli müdafiəçisi Rio Ferdinand İngiltərə Premyerliqası çərçivəsində bu gecə oynanılmış “Mançester Siti” – “Nyukasl” matçında meydanda cəmi 3 ingilis futbolçunun olmasına üsyan edib.
Korner.az-ın məlumatına görə, o bu barədə özünün tvitter səhifəsində yazıb.
“Bugünkü oyunda meydanda vur-tut 3 ingilis futbolçunun olması biabırçılıqdı!. Bu gedişlə milli komandanı yaxşı heç nə gözləmir!”, deyə Ferdinand “post”unda qeyd edib.
Sözügedən oyunda meydanda olan ingilislər bunlar idi: “Mançester Siti” nin qapıçısı Co Hart və müdafiəçisi Coleon Leskot, 45-ci dəqiqədə qırmızı vərəqə alaraq meydanı tərk edən “Nyukasl”lı müdafiəçi Stiven Teylor. “Şəhərlilər”in iki ingilis futbolçusu Ceyms Milnerlə Cek Roduell isə ehtiyatda qalıb.
