“Essyenlə təkcə pişiklər şəkil çəkdirməyib”
18.01.2020 , 17:54
“Səbail”in qapıçısı Aleksandr Rıbka Ukrayna mətbuatına açıqlama verib.
Korner.az xəbər verir ki, qolkiper paytaxt təmsilçisindən ayrılacağı ilə bağlı yayılan xəbərləri təkzib edib:
“Belə xəbərlərə inanmayın. Mənim klubumla 1.5 illik müqaviləm var. Burada hər kəs mənə hörmətlə yanaşır. Klub rəhbərliyi və məşqçilər heyəti ilə münasibətim yaxşıdır. Ancaq mənə təklif göndərilsə, onu nəzərə ala bilərəm. Azərbaycanda xoşbəxtəm. Lakin ailəmə yaxın olmaq istəyirəm”.
Rıbka Maykl Essyenin “Səbail”də oynamasından da danışıb: “Açığı, onun nə qədər maaş aldığını bilmirəm. Ancaq Essyenin komandaya pul üçün gəldiyinə inanmıram. Oteldə demək olar ki, təkcə pişiklər onunla şəkil çəkdirməyib. O, çox sadə və ünsiyyətcil insandı”.
