“Məşqçilər heyətinin qərarına əsasən 5 gün əvəzedici komandanın düşərgəsində oldum. Məşqçilər “Simurq” və “Xəzər Lənkəran” komandalarına qarşı oyunlarda mənə şans verdilər. Sevinirəm ki, bu qarşılaşmalarda istədiyim oyunu göstərə bildim və 2 oyunda 6 xal qazandıq”.
Korner.az-ın məlumatına görə, bu sözləri “Neftçi”nn futbolçusu Ernest Nfor əsas komandaya qayıdışı ilə bağlı verilən qərardan sonra klubun rəsmi saytına deyib.
O bildirib ki, baş məşqçi Arif Əsədova müraciət edərək əsas komandaya qayıtmaq üçün özünü hazır hesab etdiyini söyləyib:
“O da öz növbəsində məni anlayışla qarşıladı və müraciətimə müsbət cavab verildi. Çalışacağam ki, bundan sonra da iştirak edəcəyim oyunlarda komandama mümkün qədər faydalı olum”.
Xatırladaq ki, E.Nfor bir müddət öncə məşqlərdə və oyunlarda peşəkar səviyyəsindən aşağı çıxış etməsi və intizamsızlığı səbəbindən məşqçilər korpusunun təqdimatına əsasən əvəzedici heyətə göndərilmişdi. O, bu gün yenidən əsas komandaya qaytarılıb.
