Ermənilər Avropa Liqalarının pley-off mərhələsinin “Ayntraxt” və “Qarabağ” klublarının qarşılaşmasında təxribat törətməyi planlaşdırırlar.
Korner.az-ın Modern.az-a istinadən verdiyi məlumata görə, Almaniyada fəaliyyət göstərən Azərbaycan Mədəniyyət Evinin sədri Toğrul Əziz bununla bağlı “Qarabağ” Futbol Klubunun rəhbərliyinə müraciət məktubu göndərib.
Qurumun rəhbəri müraciətdə “Qarabağ” klubunun rəhbərliyinin təxribatla bağlı tədbirlərin görülməsinin vacibliyini bildirib:
“Belə təxribatların qarşısını almaq üçün “Qarabağ” klubunun rəhbərliyi əvvəlcədən qabaqlayıcı tədbirlər görməlidir. Rəqin klubun rəhbərliyini xəbərdar edərək stadionda tanınmamiş “Dagliq Qarabag Respublikası”nın bayrağının qaldırılmasına izin verilməməsinə təminat almalıdır. Bununla bağlı baş verəcək hər hansı qarşıdurmanın əvvəlcədən qarşısının alınması üçün bütün tədbirlərin görülməsi tələb edilməlidir. Hansısa problem yaranacaqsa, məsuliiyətin əvvəlcədən rəqib tərəfin üzərində qalacağı bəyan edilməlidir”.
