“Göstərdiyimiz oyunun və qazanığımız nəticələrin məntiqi olaraq ilk pillədə qərarlaşmışıq. Bunun davamını qarşıdakı oyunlarda da gətirib çempionluğu əldə etmək niyyətindəyik".
Korner.az-ın məlumatına görə, bu sözləri "Neftçi"nin yarımmüdafiəçisi Erik Ramos klubun saytına açıqlamasında deyib.
Paraqvaylı futbolçu iddialı danışıb: "Biz komanda olaraq hücum futbolu nümayiş etdiririk. İstənilən rəqiblə qarşılaşmada yalnız qələbəyə köklənirik. Azərbaycan kubokunda da eynilə iddialıyıq. İnanıram ki, hər iki cəbhədə maksimum nəticə qazanacağıq”.
