“Barselona”nın çalışdırıcısı Luis Enrike “Real Sosyedad” ilə matç öncəsi təşkil olunan mətbuat konfransında jurnalistlərin suallarını cavablandırıb.
Korner.az-ın məlumatına görə, ispan mütəxəssis müsahibəsində müxtəlif məsələlərə yer ayırıb:
“Messi məşqdə özünü yaxşı tərəfdən göstərir. Hər şeyi bacara bilir, amma yüz faizlik deyil. Bunun üçün zaman lazımdı. Düşünürəm ki, bu vəziyyəti ilə belə rəqib komandalar üçün təhlükədir”
Suarez haqda:
“Matç ərzində qol vurmağa zəmanət verən futbolçudu. Möhtəşəm transfer reallaşdırdığımız ortadadır. Komanda üçün əlindən gələni edir”
“Sosyedad” klubu haqda:
“Eysebiyo ilə cəmi bir dəfə oyuna çıxıblar. Bu zaman ərzində məşqçilərinin komandadan nə istədiyini görə bilmək kimi şans qazandıq. Klubunu təzyiq altında saxlayır və daha yaxşı çıxış etməsini gözləyir. Rəqibimiz bizdən diqqətli olmağımızı tələb edir. Əks halda vəziyyət heç də ürəkaçan olmayacaq”
