Endryu Robertson “Seltik”ə keçə bilər
30.10.2025 , 17:49
“Liverpul”un müdafiəçisi Endryu Robertson karyerasını Şotlandiya Premyer Liqasında davam etdirə bilər.
Korner.az xəbər verir ki, 31 yaşlı futbolçu ilə “Seltik” maraqlanır.
Robertsonun Mersisayd klubu ilə müqaviləsi gələn ilin yayına qədərdir və hələ tərəflər yeni əməkdaşlıq barədə razılığa gəlməyiblər.
Cari mövsümdə şotlandiyalı müdafiəçi “Liverpul”un heyətində 9 oyuna çıxaraq 1 qol vurub və 1 məhsuldar ötürmə edib.
Qeyd edək ki, “Liverpul” UEFA Çempionlar Liqasında “Qarabağ”ın rəqiblərindən biridir.
