Emeri Özili niyə oynatmır?
20.12.2018 , 18:30
“Arsenal”ın baş məşqçisi Unay Emerinin futbolçusu Məsut Özili niyə oynatmadığının səbəbi müəyyənləşib.
İspan mütəxəssisin hər futbolçudan qaçıb pressinq etməyini, ancaq türkəsilli alman yarımmüdafiəçinin buna qarşı çıxdığı bildirilib. Məhz bu səbəbdən Emerinin Məsutu oynatmadığı iddia olunub.
“Arsenal”ın baş məşqçisi jurnalistlərə açıqlamasında oyunçunun onu dinləmədiyini təsdiqləyib: “Hər oyunçu baş məşqçinin istəklərini yerinə yetirir. Məsut Özildən başqa”.
Britaniya mətbuatı baş verənlərdən sonra U.Emerinin Məsutun satılmasını istədiyini yazıb. Ancaq Özilin London təmsilçisindən ayrılmağa müsbət baxmadığı bildirilib.
