Anasının səhhətindəki problem səbəbindən ötən həftə təcili İsveçrəyə gedən “Qarabağ” klubunun hücumçusu İnnosent Emeqara komandanın düşərgəsinə qayıtmayacaq.
Korner.az-ın məlumatına görə, bu barədə Qol.Az-a açıqlamasında “Qarabağ” klubunun baş məşqçisi Qurban Qurbanov məlumat verib.
Təcrübəli mütəxəssis Emeqaranın ailəsindəki problemlər səbəbindən komandadan ayrıldığını bildirib: “Emeqaranın ailəsində həqiqətən ciddi problemlər var. Onun özü ilə danışmışıq. Böyük ehtimalla, Emeqara artıq komandaya qayıtmayacaq”.
Qeyd edək ki, Nigeriya əsilli 25 yaşlı futbolçu mövsümün əvvəlində “Siena”dan “Qarabağ”a transfer olunmuşdu.
