Fransa 1-ci Liqasında mübarizə aparan “Monako”nun futbolçusu Kiylian Embappe dünən “Metz”ə qarşı keçirilən matçdan sonra maraqlı açıqlamalar verib.
Korner.az-ın məlumatına görə, fransalı futbolçu bunları deyib:
“Kriştiano Ronaldo, Neymar və Lionel Messi ilə müqayisə edilirəm. Buna görə xoşbəxtəm. Lakin, hələ ki, onlarla eyni səviyyədə deyiləm. Oyunda 3 qol vurdum, ancaq bu məni arxayınlaşdıra bilməz. Növbəti oyuna köklənmək lazımdı”.
Qeyd edək ki, dünən “Monako”nun 5-0 hesabı ilə qalib gəldiyi matçda Embappe 3 dəfə fərqlənməyi bacarmışdı.
Xatırladaq ki, futbolçu Fransa 1-ci Liqasında 17 oyuna 7 dəfə fərqlənməyi bacarıb.
