“Elxan Məmmədovla görüşməmişəm” – Qurban Qurbanov
23.02.2020 , 20:52
Azərbaycan Premyer Liqasının XVIII turunda “Qarabağ” – “Sumqayıt” oyunundan sonra (1:0) meydan sahiblərinin baş məşqçisi Qurban Qurbanov oyunla bağlı fikirlərini bildirdi.
Korner.az xəbər verir ki, baş məşqçi qələbəni belə şərh edib:
Pis oyun olmadı. 3 xalı qazandıq. Digər oyunlara da daha ciddi yanaşmalıyıq.
-Bu gün Mahir Emreli 2 sarı vərəqə alıb meydandan qovuldu. Mahirlə bağlı söhbətiniz olacaq?
-Hər bir futbolçu ilə söhbətimiz olur. Çox bəsit sarılar aldıq. İstər-istəməz futbolçu aqresiv olur. Həmişə sarı vərəqələrə görə etiraz etmişəm.
– “Sumqayıt” sizi nə iləsə təəccübləndirdi?
– Oyunlarımız həmişə gərgin keçir. Belə oyun gözləyirdik. İkinci hissədə daha rahat idik. Xeyli qol imkanımız oldu. “Sumqayıt” çempionatın ən yaxşı komandalarından biridi. Orda bir-birinə uyğun futbolçular toplaşıb. Ayxan müəllim sistemi oyunçulara görə qurub. Onların oyun üslubunu, futbolçuların potensialını bilirdik. Buna uyğun hazırlaşmışdıq. Oyundan oyuna daha təhlükəli “Sumqayıt” görürük.
– Ovusunun oyunu sizi qane edirmi?
– Normal idi. Bir neçə epizodda daha dəqiq oynaya bilərdi. Onun meydana çıxması sürəti artırdı. Bu, son dəqiqələrdə çox vacib idi. Sonradan meydana çıxan futbolçuda hər dəfə yaxşı alınmır. Amma özünü yaxşı tərəfdən göstərdi. Ona inanırıq. Qarşıdakı oyunlarda özünü daha yaxşı tərəfdən göstərəcəyini düşünürəm.
– Ramil şeydayevin Azərbaycana qayıdışını necə qiymətləndirirsiz?
– Mənim üçün çətin sualdı. Hamımız istərdik ki, xaricdə oynayan futbolçularımızın sayı daha çox olsun. Bəzən situasiyaya görə belə addım atılır. Oyun praktikası çox vacibdi. Əvvəldən belə bir istəyi olsaydı, yanvarda dərhal gələrdi Azərbaycana. Yəqin bir neçə variantı olub, amma alınmayıb. Onun böyük potensialı var. İşgüzarlığına görə həmişə ondan razı qalmışıq. İnkişaf üçün oynamaq lazımdı, amma daha yüksək səviyyəli çempionatlarda çıxış etməsini istərdik. Düşünürəm ki, yaxın ətrafı dərindən fikirləşib və ən yaxşı qərarı veriblər.
-Sizin Elxan Məmmədovla görüşünüz olbmu?
– Mən görüşməmişəm.
Mina Musayeva
