“İndiki məqamda Reynaldonun milliləşdirilməsi qeyri-mümkündür”.
Korner.az-ın məlumatına görə, bu barədə futbolxeber.az-a verdiyi açıqlamada bunu AFFA-nın baş katibi Elxan Məmmədov deyib.
Baş katib bunun səbəbini belə izah edib: “Biz Reynaldoyla görüşdük, danışdıq. Ondan lazım olan bütün məlumatları əldə etdik. Amma təəssüf ki, Reynaldonun anası, atası, nənəsi, babası tərəfindən Azərbaycanla heç bir bağlılıq yoxdur. Ona görə də indiki məqamda Reynaldonu nəinki milliləşdirə, heç bu haqda FİFA-ya belə müraciət edə bilmərik”.
