“Təbii ki, birinci divizionla Premyer Liqanın səviyyəsi eyni deyil. Bu elə oyunda da hiss olundu. Amma, eyni zamanda, hiss olunurdu ki, “Şərurspor” komandası oyuna böyük istəklə çıxmışdı. Rəqibə gələcək oyunlarda uğurlar arzu edirik”.
Korner.az-ın məlumatına görə, bu sözləri “Neftçi”nin baş məşqçisi Elxan Abdullayev Azərbaycan kubokunun 1/8 finalında “Şərurspor”la görüşdən (2:0) sonra deyib.
O qarşıdakı oyunlarda bu uğurun davamını gətirməyə çalışacaqlarını bildirib:
” Bizim üçün növbəti mərhələdə rəqibin “Turan Tovuz” və ya “Zirə” olacağının fərqi yoxdur. Sabahkı oyunda hər iki komandaya uğurlar arzulayıram. Hansı rəqiblə düşsək, yaxşı nəticə qazanmaq üçün oynayacağıq”. (qol.az)
