“Bizim
üçün hər oyun önəmlidi. Fərqi yoxdu, yoldaşlıq oyunu, ya da rəsmi oyun. Bir neçə
gündən sonra “Kəpəz”lə oyun var. “Kəpəz” çempionatın ən yaxşı komandalardan
biridi. Ötən oyunda da çox çətinliklə qələbə qazandıq”
Korner.az-ın
məlumatına görə, bu sözləri “Qarabağ”ın futbolçusu Elvin Yunuszadə deyib.
Premyer
Liqada yaranmış fasilədən istifadə edərək yoxlama matçı keçirən
“Qarabağ” “Rəvan”ı 1:0 hesabı ilə məğlub edib. Ağdamlıların
futbolçusu nitqinə belə davam edib:
“Bilirik
ki, çətin olacaq. “Tottenhem”lə oyuna necə hazırlaşacağıqsa, “Kəpəz”lə matça da
elə hazırlaşacağıq. Rəqibi ciddi qəbul edib yaxşı hazırlaşmalıyıq Acığı bu gün
məşqlərdən sonra bir az yorğunuluq da vardı, amma əsas odu qalib gəldik. Tək məqsəd
səhvləri görüb onu aradan qaldırmaq idi. Qurban məllim elə bir komanda yaradıb
ki, hamı oynaya bilir. Biz də çıxıb əlimizdən gələni edirik ki, onun etimadını
doğruldaq. Oyunlarda mənə şans verdiyi üçün ona minnətdaram”
Elvin
komanda yoldaşı Rəşad Sadığov haqda da danışıb:
“Rəşadın
komanda üçün xeyri çox böyükdü. Bizim ondan öyrənməli şeylərimiz çoxdu. Nəqədər
ki, o oynayır, biz gərək ondan oğurlayaq. Hansı oyuna çıxırıqsa,
rahatlaşmamalıyıq. Bizə çempionluq lazımdı. Bunun üçün əlimizdən gələni edəcəyik.
7 xal qabağa olmağımızla rahatlaşa bilmərik”.
