"Neftçi"nin müdafiəçisi Elvin Yunuszadənin Korner.az-a müsahibəsi
– Cari mövsümü "qızıl dubl" edərək başa vurdunuz. Mövsüm sənin üçün nə ilə yadda qaldı?
Bu bizim üçün ikiqat sevincdi. Sözsüz ki, məqsədimiz bu uğurun ardını gətirməkdi. Mövsüm əsasən oyunları daha da çətin olması ilə yadda qaldı. Az qala hər oyun çempionluq oyunu idi. Bu üzdən çətin.
– Kubokun finalındakı qalmaqal, Güloğlan Cabbarovun istefası və digər amillər sanki "Neftçi"ni sarsıdıb…
Bu barədə, ümumiyyətlə, danışmaq istəımirəm.
– Julius Vobayın "Neftçi"dən getdiyi deyilir. Bu gediş "Neftçi"yə nə dərəcə də təsir edə bilər?
Vobay yaxşı futbolçudu. Sözsüz ki, onun gedişi öz təsirini göstərə bilər. Ancaq onun yerinə kim oynayacaqsa, inanıram ki, özünü doğruldacaq.
– Ölkəmizi Çempionlar Liqasında təmsil edəcəksiniz. Potensial rəqibləriniz də artıq məlumdu. Sən hansı komandaların "Neftçi"yə daha rahat rəqib olacağını düşünürsən?
Xəbərim var ki, potensial rəqiblərimiz elə də güclü deyil. Lakin biz rahatlaşmamalıyıq. Bəxtimizə Latviya, Litva, Macarıstan kimi ölkələrin təmsilçiləri düşsə, daha yaxşı olar.
– Səncə, "Neftçi"yə hansı mövqelərə futbolçu transfer olunmalıdı ki, komanda avrokuboklarda daha uğurlu çıxış etsin?
İndiki vəziyyətdə kim komandadan getsə, transfer lazım olacaq. Belə heyətimiz yaxşıdı.
– Berti Foqts səni milliyə dəvət etmir. Formada olsan da, əsas yığmaya çağırılmamağını sən necə dəyərləndirirsən?
Görək də.. Səbr edirəm . Məşqçi odu, onun fikirinə hörmətlə yanaşıram. Yəqin ki, qarşıdakı toplanışda dəvət alaram. Məni niyə çağırmadığını mən yox, Foqts daha yaxşı bilər.
Səxavət QURBANOV
