Elvin niyə polis bölməsinə aparılıb?
09.10.2023 , 09:08
Azərbaycan Premyer Liqasının 9-cu turunda keçirilən “Neftçi” – “Qarabağ” (0:2) matçından sonra insident yaşanıb.
Korner.az xəbər verir ki, Ağdam klubunun futbolçusu Elvin Cəfərquliyev oyundan sonra polis bölməsinə aparılıb.
Oyunçu çantasının oğurlanması barədə stadionda olan polis əməkdaşlarına məlumat verib. Futbolçunun çantasını oğurlayan stadiona azərkeş qismində gələn şəxs polislər tərəfindən müəyyən edilərək saxlanılıb və çanta sahibinə qaytarılıb. Daha sonra E.Cəfərquliyev zərərçəkən şəxs kimi izahatının alınması üçün polis şöbəsinə dəvət edilib.
