“Vədimə əməl edə bilmədim. Başqa sözüm yoxdur”.
Korner.az-ın məlumatına görə, bu sözləri olimpiya çempionumuz Elnur Məmmədli deyib.
26 yaşlı cüdoçu XXX London Yay Olimpiya Oyunlarında ilk görüşündəcə uduzmasına münasibət bildirib: “İndi daha çox tək qalmaq istəyirəm. Məni rahat buraxın. Rio-de-Janeyroda keçiriləcək Olimpiadaya hələ 4 il var, indidən nə deyim? Pekindən sonra nə vəd etməli idim ki? Siz necə düşünürsünüz? Onda deməli idim ki, Londonda qızıl xal uğrunda – əlavə vaxtda da uduzmayandan sonra hakimlər qələbəni rəqibimə verəcəklər? Məni tək buraxın ki, nəyin baş verdiyini düşünüm”.
Xatırladaq ki, 4 il əvvəl Pekin Yay Olimpiya Oyunlarında – 31 iyulda qızıl medal qazanan Elnur Məmmədli bu dəfə elə bu tarixdə məğlub oldu.(apasport.az)
