Portuqaliyanın yüksək liqa təmsilçisi “Tondela” bu yay transfer etdiyi azərbaycanlı futbolçu Elnur Cəfərovla yolları ayırmağa hazırlaşır.
Korner.az-ın Portuqaliya mətbuatına istinadən yaydığı xəbərə görə, bu haqda klubun rəsmisi Viktor Ramos məlumat verib.
O bildirib ki, E.Cəfərovla yanaşı daha iki futbolçu – yarımmüdafiəçi Tomas Corc və hücumçu Ruben Silvester də komandadan göndəriləcək. Bildirilib ki, klubun baş məşqçisi E.Cəfərovun oyununu komandası üçün yararlı hesab etmir.
Həmin futbolçuların adı 2016/17 mövsümü üçün sifariş ərizəsinə salınan 23 nəfərlik siyahıda yoxdur.
