Futbol

Elnur Abdulov: “O şansın gələcəyi günü səbirsizliklə gözləyirəm” – MÜSAHİBƏ

22.08.2012 , 11:45

"Qarabağ"ın futbolçusu Elnur Abdulovun Korner.az saytına müsahibəsi.

– Premyer Liqanın III turu çərçivəsində "Sumqayıt"la oynadınız. Sonuncu dəqiqədə meydana daxil olduğun görüş barədə nə deyə bilərsən?

Oyun yaxşı alındı. Yaxş oynayaraq qələbə qazandıq. Oyuna lazımi səviyyədə hazırlaşmışdıq. Baxmayaraq ki, keçən il komandam Sumqayıtda 3 xal itirmişdi. Lakin bu dəfə hər şey yaxşı oldu. 

– "İnter"də çıxış edərkən səni tez-tez meydanda görə bilirdik. Lakin "Qarabağ"da nədənsə ehtiyatda oturursan. Bəlkə Qurban müəllim sənə güvənmir?

Güvənmək deyəndə ki, komandaya təzə gəlmişəm. Hər halda özümü yaxşı tərəfdən göstərsəm, əsas heyətdə şans verər. Əsas heyətdə şans verilsə, özümü "İnter"dəki kimi göstərməyə hazıram. Amma hər şey yavaş-yavaş olur.

– Sənin üçün "İnter", yoxsa "Qarabağ"da oynamaq daha rahatdır?

Mənim üçün elə də fərqi yoxdur. Bu futboldur. Fərq odu ki, "İnter"də tez-tez meydanda olurdum.

– Həftə sonu "Rəvan"la oyununuz var…

İnşallah, yenə qələbə qazanacağıq. Bir də Qurban müəllimdən şans gözləyirəm. "Rəvan"la oyunda meydanda olmalıyam. Şans veriləcəyi təqdirdə, özümü yaxşı tərəfdən göstərməyə hazıram. O şansın gələcəyi günü səbirsizliklə gözləyirəm.

Hidayət QURBANOV

Son yazılar

Yuxarı