Elmar Baxşıyev: “Çətinliklər öncədən görünürdü”
01.05.2023 , 21:27
Misli Premyer Liqasının XXXII turunun “Qəbələ” – “Səbail” oyunundan (4:2) sonra “qırmızı-qaralar”ın baş məşqçisi Elmar Baxşıyevin mətbuat konfransı keçirilib.
Korner.az xəbər verir ki, 43 yaşlı mütəxəssis qələbəni belə şərh edib:
“Bizi ağır oyun gözlədiyini bilirdik. Komanda dörd matçdır 4 günlük qrafiklə çıxış edir. Buna görə çətinliklər öncədən görünürdü. Komanda yaxşı mübarizə apardı və layiqli qələbə qazandı. 3:0 hesabı ilə öndə olan tərəfin tempi aşağı salması normaldır. Sevindirici odur ki, komanda özündə güc tapdı və son nöqtəni qoya bildi. Əvəzetmələri futbolçuların durumuna əsasən gerçəkləşdirdik. Asif Məmmədov xəstələnmişdi və görüşdə iştirakı sual altında idi. Xarakter göstərərək meydana çıxdığı üçün ona təşəkkür edirik”.
