"Sabah seçmə mərhələdə ilk oyunumuza çıxacağıq. Bakıya hazırlıqlı gəlmişik. Uğurlu nəticəyə və bunun ardını gələcəyinə inanıram. Artıq sabahkı matça tam hazırıq".
Korner.az-ın məlumatına görə, bu sözləri DÇ-2014-ün seçmə mərhələsi çərçivəsində sabah Bakıda millimizin qonağı olacaq İsrail yığmasının baş məşqçisi Eli Qutman bu gün keçirdiyi mətbuat konfransında deyib. Çalışdırıcı millimizi ciddi rəqib hesab etdiyini bildirərək, aparıcı futbolçuları Yossi Benyaunun sabahkı matçda meydana çıxıb-çıxmayacağı haqda danışıb:
"Azərbaycan yaxşı komandadır. Rəqibin yaxşı futbolçuları və baş məşqçiləri var. Bizi çətin oyun gözləyir. Azərbaycanla oyun asan keçməyəcək. Benayuna gəlincə isə o, komandanın aparıcı futbolçusudur. Onun meydanda olması gənc futbolçulara əlavə stimul verir. Benayun zədəli deyil. Ancaq onun sabah meydana çıxıb-çıxmayacağı sual altındadır.
