Elçin Məsiyevə UEFA-dan növbəti təyinat
26.11.2024 , 13:00
FİFA referisi Elçin Məsiyev UEFA-dan növbəti təyinat alıb.
Korner.az xəbər verir ki, o, UEFA Konfrans Liqasının Liqa mərhələsinin 4-cü turunda keçiriləcək “Serkle Brügge” (Belçika) – “Harts” (Şotlandiya) oyununun baş hakimi olacaq. Məsiyevə yan xətdə Elşad Abdullayev və Pərvin Talıbov kömək edəcəklər. Dördüncü hakim funksiyasını Fərid Hacıyev yerinə yetirəcək.
Noyabrın 28-də Brügge şəhərində yerləşən “Jan Breydel” stadionunda keçiriləcək görüş Bakı vaxtı ilə saat 21:45-də başlayacaq.
