Elbrus Məmmədov: “Gənc futbolçuların təcrübə toplaması bizim qələbəmizdir”

Topaz Premyer Liqasının XX turunda “Xəzər Lənkəran” doğma meydançasında “İnter”ə 1-2 hesabı ilə məğlub oldu.

Korner.az-ın məlumatına görə,“Xəzər Lənkəran”ın baş məşqçisi Elbrus Məmmədov oyundan sonra bunları deyib:

 “Məncə, oyun tamaşaçıların xoşuna gəldi. Mübarizə apardıq. Güclü rəqibə qarşı oynadıq. “İnter”i qələbə münasibəti ilə təbrik edirəm. Bəli, bu gün uduzduq. Amma qələbəmiz də var. Bu, gənc oyunçuların təcrübə qazanmasıdır. Yaxın vaxtlarda 3 xal da qazanacağıq”.