Hazırda Bakıda davam edən Azərbaycan Beynəlxalq Bankının 20 illiyinə həsr olunan beynəlxalq turnirin iştirakçilarından biri olan Rusiyanın "Rubin" komandasının ispaniyalı baş məşqçisi Efren Peteyro dünən İsveçin "Brommapojkarna" klubuna qarşı keçirilən oyunu dəyərləndirib:
"Əlbətdə ki, bugünkü nəticədən narazıyam. Bu narazılıq nəinki hesabdan, daha çox futbolçularımın rəqibdən qorxmasından irəli gəlir. Komandamızın oyunçuları rəqibdən çəkinirdilər və çox zəif təsir bağışlayırdılar.
Rəqib nə qədər güclü olsa da, biz bunu etməməliyik. Bizim əsas məqsədimiz istedadlı futbolçuları seçib onlara böyük futbola yol açmaqdır. Bununla belə, komandamız hər turnirə qələbə ardınca gəlirik, çünki futbolçu uşaq illərindən qələbə ruhunu yaşamalı,onu duymalıdır. İnanıram ki, gələcək matçlarda "Rubin" daha yaxşı təsir bağışlayacaq".
