İtaliyanın “Roma” klubunda çıxış edən Edin Cekonun meneceri futbolçunun “Real”a (Madrid) transfer olunacağı haqda yayılan xəbərlərlə bağlı açıqlama verib.
Korner.az-ın məlumatına görə, futbolçunun meneceri Silvano Martina:
“Edin hal -hazırda “Roma”da oynayır. Azarkeşlər onu çox sevir. Komandadan ayrılmaq üçün bir səbəb yoxdu”.
Xatırladaq ki, 30 yaşlı futbolçu bu mövsüm İtaliya Liqasında 23 oyuna 17 qol vurub və 4 məhsuldar ötürmə edib.
