İspaniya La Liqasına vəsiqə uğrunda pley-off mərhələsinin yarımfinal oyunları çərçivəsində “Tenerife”yə məğlub olan “Kadis” klubu heyətində islahatlar aparacaq.
Korner.az-ın məlumatına görə, əndəlüs klubu mövsümlərarası fasilədə bir neçə futbolçusu ilə yollarını ayıracaq.
Bu futbolçular arasında millimizin üzvü Eddi İsrafilovun da adı var. İspaniya mətbuatının yazdığı xəbərə görə, baş məşqçi Alvaro Kervera Eddi İsrafilovla yanaşı, İvan Malon, Ager Aketxe, Alfredo Ortuno və Gorka Santamarianın xidmətində maraqlı deyil.
