Duşan Vlahoviç ciddi zədə aldı – “Yuventus”a ən azı iki ay kömək edə bilməyəcək
01.12.2025 , 10:30
“Yuventus”un əsas hücumçularından Duşan Vlahoviç bir müddət yaşıl meydanlardan uzaq qalacaq.
Korner.az xəbər verir ki, serbiyalı futbolçu “Kalyari” ilə oynanan və 2:1 hesabı ilə başa çatan görüşdə zədələnib. O, qarşılaşmanın ilk hissəsində ağrılar səbəbindən oyunu davam etdirə bilməyib.
25 yaşlı hücumçunun vəziyyətinin düşündürücü olduğu bildirilib.
Xəbərdə bildirilir ki, Vlahoviçin bərpasının təxminən iki ay davam edəcəyi və onun ən tez gələn ilin əvvəlində geri dönə biləcəyi ehtimal olunur.
Bu mövsüm serbiyalı forvard 17 oyunda meydana çıxıb, 6 dəfə fərqlənib və 2 məhsuldar ötürmə edib. Onun “Yuventus”la müqaviləsi isə gələn yay başa çatır.
