Kriştianu Ronaldonun "El Klassiko"da çəkilən bir şəkli Avropanın gündəmindədir.
Korner.az-ın məlumatına görə, Ronaldo ilə Messinin duelinə səhnə olan "El Klassiko" bütün dünyanın diqqət mərkəzindədir. Messi və Ronaldonun iki qol vurduğu "El Klassiko" dünya nəşrlərində geniş əks-səda doğurub.
"El Klassiko"da çiynindən zədə almasına baxmayaraq, oyundan çıxmayan Ronaldonun üzərində matçdan sonra müayinə aparılıb. Həkimlər ilk əvvəl onun iki həftə yaşıl meydandan uzaq qala biləcəyini söyləyib. Lakin daha sonra futbolçunun zədəsinin o qədər də ciddi olmadığı açıqlanıb.
"El Klassiko"nu yaxından izləyən dünya mətbuatı Ronaldo və Messi üçün bir-birindən maraqlı ifadələr səsləndirib. "A Bola" və "Rekord" nəşrləri onların "başqa planetdən olduğunu" yazıb.
