FIFA U-17 qadınlararası dünya çempionatı Azərbaycan 2012-in açılışına iki gün qalıb.
Korner.az– ın AFFA-nn saytına istinadən yaydığı xəbərə görə, Braziliya, Almaniya və Uruqvay milli yığmalarının ardınca bu gün futbol üzrə U-17 qadınlardan ibarət Meksikanın milli komandası da Azərbaycana gəlib. Onları Heydər Əliyev adına Beynəlxalq Hava Limanında FIFA U-17 qadınlararası dünya çempionatı Azərbaycan 2012-nin rəsmi maskotu Top Top Qız qarşılayıb. Qarşılama ənənəsinə sadiq qalaraq, Top Top Qız bu dəfə də qonaqlara gül buketləri təqdim edib, qonaqpərvərliyini nümayiş etdirib.
Daha sonra isə qrup şəkli çəkdirən futbol üzrə U-17 qadınlardan ibarət milli komandalarının oyunçuları və nümayəndə heyəti kiçik fotosessiyanın ardından qalacaqları otelə doğru düşüblər. Qeyd edək ki, komandalar bu cür diqqətli və qonaqpərvər qarşılanmadan, mehriban münasibətdən məmnun olduqlarını nümayiş etdiriblər.
Xatırladaq ki, FIFA U-17 qadınlarası dünya çempionatı Azərbaycan 2012-də iştirak edəcək komandaların hamısı artıq Azərbaycandadır.
