2018-ci ildə Rusiyada keçiriləcək dünya çempionatına vəsiqəni təmin edən daha iki komandanın adı dəqiqləşdi.
DÇ-2018-in seçmə mərhələsində Avropa zonasından İslandiya və Serbiya yığmaları buna nail olublar.
Bununla da DÇ-2018-ə vəsiqə qazanan ölkələrin sayı 17-yə çatıb. Daha öncə təşkilatçı Rusiya, eləcə də Braziliya, İran, Yaponiya, Meksika, Cənubi Koreya, Səudiyyə Ərəbistanı, Belçika, Almaniya, İngiltərə, İspaniya, Nigeriya, Kosta-Rika, Polşa və Misir yığmaları dünya çempionatında oynamaq hüququ qazanmışdı.
