“Sunday Times” qəzetində Qətərin DÇ-2022-ə ev sahibliyi hüququnu pulla satın aldığının iddia olunduğu məqalə dərc olunub.
Korner.az-ın məlumatına görə, xəbərdə qətərli Məhəmməd bin Hammamın FİFA-nın yüksək səviyyəli nümayəndələrinə və afrikalı nümayəndələrə 5 milyon dollar rüşvət verdiyi iddia edilir.
FİFA-nın 24 nəfərlik idarəedici komitəsindən Qətərin mundiala ev sabibliyi üçün kimlərdən səs aldığını və kimlərin vəzifələrindən sui-istifadə etdiklərini ortaya qoyub.Qəzet 65 yaşlı Bin Hammamın lazımi işləri görmək üçün FİFA–nın bir rəsmisinin bütün xərclərini öhdəsinə götürdüyünə dair bank hesabı və yazışmaları da dərc edib. Bu qalmaqallı məqalədən sonra DÇ-2022-ə ev sahibliyi üçün səsvermənin yenidən keçiriləcəyi ehtimal olunur.