“Həm asan, həm çətin oyun oldu. Rəqibin oyunu göstərdi ki, matça yaxşı hazırlaşmışdılar. Rəqibimiz alman ruhu var idi. “Düdelanj” çətinb rəqibdi. Səfərdə ən çətin matçlarımızdan birini keçirəcəyik.
Korner.az-ın məlumatına görə, bu sözləri “Qarabağ”ın baş məşqçisi Qurban Qurbanov Çempionlar Liqasının II təsnifat mərhələsində “Düdelanj”a qalib gəldikləri oyundan sonra deyib.
O, cavab matçı barədə də fikirlərini bölüşüb:
“Düşünürəm ki, rəqib cavab matçında çox yaxşı mübarizə aparacaq. Lüksemburqdakı stadionun durumu da yaxşı deyil. Inanıram ki, bu durum yaxın günlərdə müsbətə doğru dəyişəcək. Cavab oyununda həddindən artıq ciddi olmalyıq. Hər iki komandaya uğurlar izləyirik”
– İki fərqli hissə izlədik. İkinci hissədə sönük oyuna səbəb nə idi?
-Komanda ideal vəziyyətdə deyiil. İkinci hissədə rəqib fərqli futbol oynadı və biz də onların sisteminə uyğun hərəkət etdi. Komandamız ikinci hissədə də qol vurmaq istəyirdi. Səbrli olmaq və düzgün hücumlar qurmağa çalışdırdıq.
– Arif Daşdəmirov və Əl Hərbinin oynamamasına səbəb nə idi?
İmkanım olsaydı bütün futbolçulara şans verərdim. Futbolçularımız oynamağa hazırdı. Gələcək oyunlarda heyətdə dəyişiklik edə bilərik.
– “Düdelanj”ın cavab oyununda “Qarabağ”a 3 qol vura biləcəyinə inanırsınız?
İndi futbolda mümkünsüz heç nə yoxdu. Əgər səfərdə meydana arxayın çıxsaq qapımızda 3 qol görə bilərik. Çünki “Düdelanj” bunu bacara biləcək komandadı. Dediyim kimi, daha diqqətliu futbol oynamalıyıq.
