Dovbik “Roma”nın Avropa Liqası üçün heyətindən çıxarıldı
06.02.2026 , 21:00
Ukrayna millisinin hücumçusu Artyom Dovbik bu mövsüm UEFA Avropa Liqası üçün yenilənmiş “Roma” heyətinə daxil edilməyib.
Korner.az xəbər verir ki, forvard bud nahiyəsində aldığı zədənin müalicəsi ilə məşğuldur və yaxın vaxtlarda oyuna çıxa bilməyəcək.
Klub rəhbərliyi və məşqçilər hesab ediblər ki, Dovbikin Avropa Liqasında iştirak etməsi bu mərhələdə zəruri deyil. Buna görə də ukraynalı hücumçu bu mövsüm turnirdə forma geyinməyəcək.
Qeyd edək ki, “Roma” pley-off mərhələsini keçərək birbaşa 1/8 finala vəsiqə qazanıb.
