“Qəbələ”nin baş məşqçisi Dorinel Muntyanu Azərbəycan Premyer Liqasının 4-cü turunda AZAL-a məğlubiyyəti (1:2) şərh edib.
Korner.az-ın məlumatına görə, o, uduzduqlarn üçün çox məyus olduğunu deyib:
“Komandam başdan sonadək oyuna nəzarət etsə də, iki gözlənilməz qol buraxdıq. Hər iki hissədə çoxlu qol epizodları yaratsaq da, topu qapıdan keçirmək üçün son vuruşu edə bilmirdik. AZAL yaxşı müdafiə olunurdu, onları qələbə münasibəti ilə ancaq təbrik edə bilərəm. Komanda olaraq bu məğlubiyyəti unudub qarşıdakı matçlara hazırlaşmalıyıq. Təəssüf ki, Kristea bu gün yaxşı çıxış etmədi, ona görə də əvəzləndi. Lakin 4 turdan sonra bu oyunçunu hesabdan silmək düzgün deyil. Komandamın hər bir futbolçusuna inamım var”.
