Hər bir insanın özünəməxsus ləqəbi var. Futbolçuların da hər şeydən qabaq insan olduğunu nəzərə alsaq, onların da təxəllüsü olduğunu bilmək olar. Kimi görünüşə görə, kimi davranışına görə cəlbedici və maraqlı müxtəlif ləqəb qazanır. Bu yazıda məşhur futbolçuların gülməli və bir o qədər də maraqlı təxəllüsləri ilə tanış olacağıq.
1. Fernando Torres – KÖRPƏ
İspaniyalı forvard Fernando Torres həm də “körpə” ləqəbi ilə də tanınır. Torres bu təxəllüsü təkcə öz üz cizgilərinə borcludu desək, yalan olar. İstedadını karyerasının başlanğıcında kəşf edən Torres bu səbəbdən sevdikləri arasında körpə adı ilə tanınır.
2. Bastiyan Şvayştayger – DONUZ
Almaniya millisinin və “Mançester Yunayted”in futbolçusunun ləqəbini alman dilini bilənlər təxmin edə bilər. Belə ki, “şvayn” sözü almancadan donuz kimi tərcümə olunur. Onu sevənlər əzizləmə, nifrət edənlər isə təhqir kimi eyni sözü deyə bilər. Hər halda inanmıram ki, hansısa insanın donuz sözündən xoşu gəlsin.
3. Devid Bekxem – ACI BİBƏRLİ ADAM (“Spice boy”)
İngiltərə futbolunu gəlmiş keçmiş ən yaxşı yarımmüdafiəçilərindən olan Devid Bekxemin də xüsusi təxəllüsü var. Britaniyada onu “spice boy” kimi də tanıyırlar. Səbəb isə onu həyat yoldaşı Viktoriya Bekxemdi. Belə ki, evləndikdən qabaq Viktoriya məşhur ingilis pop-qrupu “Spice girls”un üzvü idi. Futboldan çox şəxsi həyatına maraq ayıran Bekxemin bu ləqəb alması gözlənilən idi.
4. Valter Samuel – DİVAR
Argentina yığmasının müdafiəçisi Valter Samuelin müdafiədəki oyunu rəqib hücumçuların kabusuna çevrilib. Ona qarşı oynamış bir neçə hücumçu dəfələrlə mətbuata Valterin qoruduğu mövqenin keçilməz divar olduğunu deyib. Bu səbəbdən müdafiənin divarı dedikdə cənubi amerikalılar söhbətin Valter Samueldən getidiyini anlayır.
5. Ueyn Runni – ŞREK
İngiltərə yığmasının futbolçusu Ueyn Runinin xarici görünüşü bir çox cizgi qəhrəmanı obrazına bənzəyir. Daha çox oxşarlıq isə “Şrek” obrazı ilədi. Bu səbəbdən, “Dumanlı Albion”un “şrek”i kimdi sualının cavabını düşünmədən Ueyn Runi demək olar.
Ardı olacaq…
