Domaqoy Vida: “Maksimum güclə oynamalıyıq”
08.09.2019 , 19:40
Xorvatiya yığmasının müdafiəçisi Domaqoy Vida Avro-2020-nin seçmə mərhələsində millimizlə sabah keçiriləcək oyunöncəsi təşkil edilən mətbuat konfrasnında jurnalistlərin suallarını cavablandırıb.
– Azərbaycan millisinə qarşı hazırlıq necə keçdi?
– Çox vaxtımız olmayıb. Dünən bura gəlmişik. Rəqibin son oyununu təhlil etmişik. Son məşqimiz olacaq. Taktiki hazırlıqla bağlı sualları yəqin ki, baş məşqçimiz cavablayacaq.
– Bir neçə il əvvəl Bakıda Azərbaycanla qolsuz heç-heçə etmişdiz. İndi bu rəqibi necə görürsüz?
– Bəli, həmin zaman oynamışdıq. Çətin olmuşdu. Bu tsikl ilk matç da asan keçmədi. 0 xal Azərbaycanın real gücünü göstərmir. Rəqibin yaxşı futbolçuları var. Azərbaycana hörmət edirik. Maksimum güclə oynamalıyıq. Uels və Slovakiyaya qarşı çıxış etdiyimiz kimi oynasaq, yaxşı nəticə qazana bilərik.
– Sabahkı oyunda Azərbaycan millisinin qələbəsi sürpriz olacaq?
– Biz dünya reytinqində ikinciyik. Favoritik və bura qələbə üçün gəlmişik. Ancaq rəqibə hörmət edirik. Əgər Slovakiyaya qarşı oyunu göstərə bilsək, qələbə qazanacağıq.
– Slovakiyaya qarşı dünya çempionatından sonrakı ən yaxşı oyunu keçirdiz. Necə düşünürsüz?
– Bəli, mən bununla razıyam. Özüm də dünya çempoionatında oynamışdım. Ancaq sabah bizi vacib görüş gözləyir. Baş məşqçi bizi hazırlayır ki, keçmişlə yox, gələcəklə yaşayaq.
– Yəqin ki, Azərbaycan millisinin Uelslə oyununu izləmisiz. Komandada hansı futbolçuiları xüsusi qeyd edə bilərsiz?
– Biz bütün oyunu izləməmişik. Sadəcə, bəzi epizodlara baxmışıq. Həmin matçda Azərbaycan millisinin bəxti gətirmədi. Biz ilk növbədə özümüz haqda düşünməliyik. Qələbə üçün daha vacib məqam budu.
– Avropa Çempionatının bir neçə oyunu Bakıda keçiriləcək. Vəsiqə qazansaz, burda oynamaq istəyərsiz?
– Buna çox uzun müddət qalıb. Bakı gözəl şəhərdi. Ancaq biz əvvəlcə sabah qələbə qazanmalıyıq. Daha sonra isə əsas mərhələyə vəsiqə qazanmalıyıq. Həmin vaxt bu barədə düşünə bilərik.