Topaz Premyer Liqasının V turu çərçivəsində keçirilən “Simurq” – “Qəbələ” (1:2) matçının 80-ci dəqiqəsində zədələnərək meydanı tərk edən Dodonun durumuna aydınlıq gəlib.
Korner.az-ın məlumatına görə, braziliyalı azı 2 həftə “Qəbələ”yə kömək etməyəcək.
O, sentyabrın 21-də “Neftçi”, 28-də “Xəzər Lənkəran”la görüşlərə kənardan baxacaq. Yarımmüdafiəçi yalnız oktyabrın 17-də “Qarabağ”la matçda komandasına kömək edə bilər.
Qeyd edək ki, sözügedən matçda dubla imza ataraq “qırmızı-qaralar”a qələbə qazandıran “sambaçı” ikinci qol epizodunda dizindən zədə alaraq baş məşqçi tərəfindən Elvin Camalovla əvəzlənmişdi.
