Sabah Azərbaycan kubokunun 1/4 final mərhələsi çərçivəsində “Simurq”la cavab matçına çıxacaq “Qəbələ”də zədəli Luis Hilario Dodonun taleyi hələ də qeyri-müəyyəndi.
Korner.az-ın məlumatına görə, müayinə olunmaq üçün Türkiyəyə gedən braziliyalı yarımmüdafiəçi əməliyyat oluna bilər.
Həkimlər “sambaçı”nın zədəsi ilə bağlı son sözü sabah deyəcəklər. Əgər əzələsində yırtıq aşkarlanarsa, futbolçu elə bu həftəsonu cərrah bıçağı altına uzanacaq. Bu isə onun ən azı 1 ay yaşıl meydanlardan uzaq qalacağı anlamına gəlir. Yox, əgər zədə sadəcə, əzələ dartılmasıdısa, Dodo ən geci iki həftədən sonra kollektivə qoşula biləcək.
Qeyd edək ki, Dodo “Simurq”a qarşı keçirilən kubokun ilk matçında (0:3) zədələnib.
