“Qəbələ”nin kapitanı Dodonun Korner.az saytına müsahibəsi.
– İlk hissədən fərqli ikinci yarıda daha zəif təsir bağışladız. Sanki müdafiə olunmaq üçün meydana çıxmışdız…
Hər şeydən öncə rəqibi qeyd etməliyəm ki, təkcə Almaniyanın deyil, dünyanın top komandalarından biridi. O ki qaldı ilk hissədən fərqli ikinci hissədə zəif oynamağımıza, biz ikinci yarıda əks-hücumlara bel bağladıq. Çünki ilk hissədən fərqli ikinci yarıda hücuma atılanda, yenidən geriyə dönmək lazım olanda xeyli fiziki güc sərf edirdik.
– İlk hissədə bir neçə yüz faizlik qol imkanınız oldu. Necə düşünürsən, onların hər hansı birindən fərqlənə bilsəydiniz nəticə fərqli olardımı?
Əlbəttə, həm oyun, həm nəticə fərqli olacaqdı. Əgər ələ düşə imkanların 1 və ya 2-dən yararlana bilsəydik həm psixoloji üstünlük bizdə olacaqdı, həm də rahat oynaya biləcəydik. Lakin bu cür imkanları qaçırtdıq və ardından da səhvlərimizi siğortalaya bilmədik. Bundan sonra rəqib qol vurdu.
– Komanda təsəlli qolunu da olsa vura bildi…
Əlbəttə, mən qol vurdum. Bu hər bir futbolçu üçün xoşdu. Ancaq bu qol komandama xal gətirmədiyindən onun mənim üçün önəmi yoxdu.
– Aubameyanq bu qədərmi durdurulmaz futbolçu idi ki, onun qarşısını heç cür ala bilmirdiz?
Əslində biz cavan komandayıq. Bu zaman məsələsidi. Bizim təcrübəmiz də çatmadı. Bir vaxtlar biz heç qrupda oynamırdıq, lakin indi tam fərqlidi.
– Necə düşünürsən, bu məğlubiyyətdən sonra qrupdan çıxmaq şanslarınız azalmadı ki?
Hələ heç nə bitməyib. Qarşıda 3 oyunumuz var. Bu matçlarda xallar qazanıb ardıcıl 2 məğlubiyyətin yerini doldurmalıyıq.
