Avroliqanın F qrupunda “Qarabağ”ın rəqiblərindən olan Ukraynanın “Dnepr” klubunun üzvü Sergey Kravçenko Ukrayna klubunun rəsmi saytına bir neçə açıqlama verib.
Korner.az-ın məlumatına görə, 2005-ci ildə “Qarabağ”da forma geyən yarımmüdafiəçi son Azərbaycan çempionunun ciddi rəqib olduğunu bildirib.
Kravçenko qrupdakı digər rəqiblər haqda da münasibət bildirib:
“Yer aldığımız qrup çətindi. “İnter” haqda nəsə demək yersizdi. Bu komanda Avropada sözün deyib. “Sent-Etyen” də Fransanın əsas klublarından biridi. “Qarabağ”a gəlincə, əgər bu komanda son Azərbaycan çempionudursa, deməli ciddi rəqibdi.
Potensial rəqiblərimiz arasında “Qarabağ”ın adını görəndə istədim ki, elə bu komandayla eyni qrupa düşək. Yenidən Bakıya gedəcəm. Orada mənim dostlarım var. İnanıram ki, Ağdam klubu ilə oyunlarımız dostcasına keçəcək”.
