“Avropanın ən nüfuzlu klub turnirində çıxış etmək bizim böyük arzumuz idi. Biz yüksək rəqabət səviyyəsini püşkatma nəticəsində İngiltərə, İspaniya və İtaliyanın top-klubları ilə eyni qrupda düşdükdən dərhal sonra hiss etdik”.
Bu sözləri “Qarabağ”ın baş məşqçisi Qurban Qurbanov “Frans Press” agentliyinə açıqlamasında deyib.
“Amma bu, döyüşdən əvvəl təslim olacağımız demək deyil. Biz hər bir matçda dişimizlə, dırnağımızla vuruşmağa hazırıq. Yarışa Londonda başlayırıq. “Stemford Bric”dəki oyun bizim üçün çox çətin və ağır olacaq. Ancaq orada layiqincə çıxış edəcəyimizə ümid edirik”.
“Qarabağ” Çempionlar Liqasının C qrupunda “Çelsi”, “Atletiko” və “Roma” ilə birgə mübarizə aparacaq.
